Мінулы тыдзень у нашым садку быў прысвечаны тэме «Адзенне». Дзеці пазнаёміліся з назвамі прадметаў гардэроба на беларускай мове, вучыліся правільна вымаўляць слова «апрананне» і назвы асобных рэчаў, разумець іх значэнне і актыўна выкарыстоўваць у штодзённым маўленні. Малыя знаходзілі прапанаваныя прадметы па малюнках, паўтаралі за выхавацелем назвы адзення і абутку, гулялі ў розныя гульні, чыталі вершы і апавяданні беларускіх аўтараў — і шмат іншага.



https://drive.google.com/file/d/14hoP4T8neppyfjbm_Ep_744rFteQi75q/view?usp=sharing
Паважаныя бацькі! Падтрымайце нас дома: падчас пераапранання называйце рэчы па-беларуску. Разам мы навучым дзяцей любіць і ведаць родную мову!
Паважаныя бацькі
У нашым дзіцячым садку прайшоў тыдзень, прысвечаны самай прыгожай пары года — восені. Гэтыя дні былі напоўнены цікавымі справамі, творчасцю і новымі адкрыццямі.
На працягу тыдня дзеці назіралі за зменамі ў прыродзе падчас прагулак, разглядалі восеньскія лісты, жолудзі і каштаны


Дзеці з задавальненнем грэблі рознакаляровае лісце, дапамагалі наводзіць парадак на ўчастку і атрымлівалі сапраўднае задавальненне ад працы


Чыталі вершы і апавяданні пра восень;- малявалі, рабілі аплікацыі і вырабы з прыроднага матэрыялу
https://drive.google.com/file/d/1W8R1k1o9JrQ912fDbwFxoiRMoVr_qrH9/view?usp=drive_link
Цудоўнае дрэва з далоняк

Развучвалі песні і вершы пра восень.

Праект "Слова тыдня"
Праект «Слова тыдня» — гэта наша агульная ініцыятыва, якая дапамагае дзецям адчуць прыгажосць і мілагучнасць роднай беларускай мовы. Ён рэалізуецца ў адпаведнасці з Вучэбнай праграмай дашкольнай адукацыі (адукацыйныя галіны «Развіццё маўлення і культура маўленчых зносін», «Мастацкая літаратура») і накіраваны на тое, каб захаваць нашу гісторыка-культурную спадчыну і прабудзіць у дзетках устойлівы інтарэс да роднага слова.
Чаму гэта важна для дзіцяці?
Калі дзіця чуе прыгожую беларускую мову, яно не проста вучыць новыя словы — яно развівае маўленне, пашырае кругагляд, вучыцца адчуваць эмацыйныя адценні і ганарыцца тым, што мы, беларусы, маем такую багатую і мілагучную мову. Кожнае новае слова становіцца для дзіцяці маленькім адкрыццём!
Запрашаем бацькоў далучыцца!
Ваш удзел — гэта самы важны крок. Калі дзіця бачыць, што мама і тата разам з ім цікавяцца роднай мовай, гэта матывуе значна мацней за любыя словы. Давайце разам ствараць для дзяцей свет, дзе беларускае слова гучыць горда і прыгожа!
















